कृति विमोचन / सार्वजनिकीकरण

साहित्य समाचार

"पेन" इजरायल च्याप्टरमा





होमनाथ सुवेदी
वुडबि्रज भर्जिनिया



सानो देश छ औलैमा नाम त्यो इजरायल
नसुनेको कुनै छैन बसुधा खोल्छु फायल ।

रुख हैन शिला फल्छ सेतो बगरको छ यो
ईशाको बास हो स्थान पवित्रै भन्नुपर्छ हो ।

रोमनैले लखेटेका यहुदीहरु नै थिए
छिमेकी अरुको देश भागेर लड्न तम्सिए ।




सम्राट रोमनै लागी भागेका ती धनीहरु
विदेशमा बसी लड्दा डायास्पोरा बने बरु ।

इतिहास त्यहींको हो डायास्पोरा बनाउने
तर त्यो अर्थमा भन्दा आज अर्कै छ आउने ।

अमेरिका यहाँ कोही फर्किने छैन देशमा
तर माया सदा पोल्छ डायास्पोरा यही नयाँ ।

पेनै हुँ नबसी हिड्छु रातदिन समानले
मान्छेको जन्मको साथ आएको हुँ नि शापले ।

भेटें नेपालका दाइ जेरुसेलममा सयौँ
हट्टाकट्टा थिए गोरा सोधेँ ुनेपाल बिसर्ियौु

दिए उत्तर कट्केर "हाम्रो मक्का उही त हो
कसरी बिस्रनै सक्छौं धर्म नाश गरे भयो !"
१०
दृढता उनको लेखें डायास्पोरा यिनै त हुन्
ज्यान आप्रवासमा राख्ने आत्मा नेपालमा रहुन् ।
११
बसे पनि महा दूर मनमा याद आउँछ
नेपाल नै महा तीर्थ भाषाले पुल लाउँछ ।
१२
हिडेको म थिएँ बाटो बिरियो सोध्न लाग्दछु
न जानी बोल्न चाहे नि मुटुमा "नट" पार्दछु ।
१३
आफ्नो जस्तो कहाँ हुन्छ नेपाल देशमा हुँदा
अर्काको देशमा तल्लो जातजाति भएछु हा !
१४
प्रत्यक्ष दर्शकै मै हुँ सबको हातमा म छु
पक्षपाती छँदैछैन जस्ले जे भन्छ बक्तछु ।
१५
धनी पण्डितको देश डायास्पोरा वृहत्तर
भूमिमा रोपियो एक इजरायल च्याप्टर ।
१६
भाषा साहित्यलाई हो विश्व माझ चिनाउने
यही उद्देश्यको लागि अनेसास बनाउने ।
१७
दुई हजार पैसटठी पौष अठार "चार्टर"
बनाए यो अनेसास इजरायल च्याप्टर ।
१८
अध्यक्षमा सुनिलै छन् उपमा नवराज हे !
महासचिव थापा हुन् सचिवै हरि भै गए ।
१९
कोषाध्यक्ष बरालै हुन् सदस्यमा यी निम्न छन्
राई कार्की र पौडेल मालती नरनारी हुन् ।
२०
सल्लाहकारमा राखे दिवाकर र श्याम जुन्
माननीय थिए विद्वान् डायास्पोरा तिनै न हुन् ।
२१
रोमनैले जिते पश्चात् भागेका यहुदी लडे
स्वतन्त्र राष्ट्र पाएर यहुदी शान्तिले बसे ।
२२
जेरुसेलम मक्काको नाम जस्तै छ उच्चता
संझी नेपालको नाम जान थाल्छन् उपत्यका ।
२३
"पेन"को इतिहासै छ पीडा दर्शन गर्दछु
पीडाको भूमि ढोगेर बङ्गाली भाइ भेट्दछु ।
२४
बोलाएको थिएँ बाबा ! सुमन मन खोलन
म आएको थिएँ पैले ऐले के भेद खोलन ।
२५
युद्धको देशमा बस्छौ बुद्ध जस्ता भयङ्कर
माओवादी सुनाएर न तर्सा्ए त्यतातिर ।
२६
नयाँ वर्ष बनाएको नयाँ साहित्य सिर्जन
नयाँ नेपाल आएको डायास्पोरा चिनाउँन ।
२७
सम्मेलन गरी आज तेलअबिवमा डुब्यौं
आगो लागेर छातीमा माताको गाथमा पुग्यौं ।
२८
बिना पफ् उडी भेट्ने जहाज आजको दिन
साहित्य सिर्जना हाम्रो फैलियोस् गरी गर्जन ।
२९
पेनै हुँ जातले यौटै बसेको ठाउँमा म छु
तर देख्न न सक्नेले खोजेको पनि मै रुछु ।
३०
लुके जस्तै बसी हॆरें गाएँ यो कविता पिन
नयाँ वर्ष मनाएर बिदाबादी भएँ पनि ।
३१
धन्यवाद सभालाई गतवर्ष बिदाइमा
स्वागतै छ नयाँ वर्ष आऊ हर्षबढाइमा ।
३२
पेन हुँ जान्छु बङ्गाल यायावर म हुँ सदा
न खोज्नोस् आउने साल जान्छ त्यो फेरी सर्वदा ।
३३
कालको गतिमा बाँच्ने वा गयल भए पनि
नेपाली छातीमा राखे बाँच्नेछौं सत्य सर्वदा ।