- अशोक पार्थिव तामाङ
तिमीले मेरो घडेरीमा
अतिक्रमण गरेर घर बनाएछौ,
मलाइ नसोधी नसोधी
तिमीलाइ कसले दियो इजाजत् ?
को को राख्यौ साँचीहरू महल बनाउँदा ?
मलाइ असाध्यै रिस उठेको छ
तिम्रो मनले
मेरो मुटुको सिमाना मिचेकोमा
आँखा झिम्क्याएछौ ,कम्मर मर्काएछौ ,
के के न ईशारा गरेछौ
अनी तिम्रो र मेरो सिमानामा
तिमीले नै हस्तक्षेप गरेछौ।
भन्न मन लागेको थियो तिमीलाई
के के गालीहरु
तर
मैले भन्न सकिन ।
के ठानेको छौ
तिमीले आफुले आफुलाई ?
प्रधानमन्त्री वा राष्ट्रपती ?
मलाई नसोधी बनाएको
सबै पर्खालहरु , जस्ताका छानाहरु
उखलेर फ्याल्नेछु ,
अनी तिमी
मलाई टुल्टुल्ती हेर्नेछौ मुक दर्सक भएर
मेरो विश्वाश र मायामा बनेको घरलाई ।
अनी
म सोद्नेछु तिमीलाई
तिमीले घडेरी मिचेर के पायौ त ?
मैले त
तिम्रो मन जीतेर घर बनाँएनि, होइनर ?
घर त यस्तो पो होस् जहाँ
सुःख समृदि र समानता होस्,
माया फुलोस्, बिश्वास् झुलोस्।
तपेश्वरी १ , उदयपुर
हालः ( इजरायल )
कविता
घडेरी मिचेर बनाँएको घर।
घडेरी मिचेर बनाँएको घर।
सम्प्रेषक - कृष्णपक्ष :
साहित्यसंसार डट कम
साहित्यसंसार
साहित्यसंसार डट कम अनलाइन साहित्यिक पत्रिका हो । नेपाली भाषा साहित्यमा भएका विविध गतिविधिहरूको जानकारी तथा साहित्यकारहरूका सिर्जनाहरू क्रमबद्ध रुपमा संकलन गर्ने इन्टरनेट थलोको रुपमा यसलाई लिन सक्नुहुन्छ । लेख, रचना तथा साहित्यिक समाचार पठाउन हाम्रो इमेल ठेगाना - info@sahityasansar.com