कृति विमोचन / सार्वजनिकीकरण

साहित्य समाचार

म अनि सुनाखरी फूल






हुरी, बतास जस्तै आऊ
झरी, बर्षा असिना बन
म हिम्मत हार्ने छैन

पृथ्वीको गर्भ भित्र
लुकेको सत्य भु्रम हुँ म
गोर्खालीको सन्तान बनी
भिरमा फुलेको फूल हुँ म

म मा कसैको राग छैन
स्वीकार गर्नु पर्ने बाद छैन
तर,
हल्लै हल्लाको यो शहरमा
बाद र द्धेष भरिएको तलाउमा
यहाँका होचा मानिसहरु
म माथि शंका गर्छन्
राग, द्धेष र बादले
मेरो अनुहार पोतिदिन्छन्
अनि बनाउँछन् आफुलाई मन पर्ने रंग
कालो रातो र सेतो
निलो हरियो र पहेँलो ।

तिमी जुन सुकै रंगले पोत
चाहे आफ्नो प्रतिबिम्बहरु
मेरो अनुहार भरि टाँस
यसले तिम्रो औकात मात्र झल्कन्छ
किन भने मेरो अस्तित्व बिम्ब बनेर
औंशीको अध्यारोमा जून जस्तै टल्कन्छ
जस्को अगाडि तिमी खग्रास हौ
रोशनी बिहिन ग्रहहरुको झुण्ड हौ ।

यो सत्य हो
पृथ्वीको अस्तीत्व जस्तै सत्य
मैले सत्यको वकालद गर्दा या
सत्यको पक्षमा कमल चलाउँदा
तिम्रो शरिरबाट कायरताको
पसिना तप्प तप्प चुहिन्छ
अनि गर्जन्छौ बिना पानीको
बादल या असिना जस्तै

तिम्रा पछाडि बिल्गेट्स होलान्
होलान बिन लादेनका समर्थक
या कुनै गतिलो नेताको छाँया
अफसोच,
म लोभिने छैन बिल्गेट्सको धन देिख
डराउँने छैन म लादेनको धम्कि देिख
झुक्किने छैन कसैको सुन्दर छाँया देिख
किन भने
म नेपालीको अस्तित्व जोगाउँने
एक नंम्बरको अकबरी सुन हुँ ।
रुखको कापमा फकि्रएको सुनाखरी फुल हुँ


महेश्वर नेपाल
चण्डेनि ५ काभ्रे
सचिब :नबोदित साहित्यिक मोबाइल पुस्तकालय
कतार