-सरु ,दोलखा
हिमाल,पहाड,तराई फाँट, भुपरिवेष्ठित देश ।
विश्व मानचित्रमा स्वर्गझै दृष्य, सुनौलो परिवेश ।।
जन्मेका थियौं स्वदेशमा हामी, गुजारा प्रदेशको ।
चाहेर पनि स्वदेश मै रम्न छोड्नलाई वाध्य भो ।।
के भो र भौतिक शरिर टाढा, यो मन त छ त्यहीं ।
नभुलौ हामी स्वदेशलाई,भएनि जहाँ कहीं ।।
एउटै आमाका सन्तान हामी, जन्मेको एउटै काख ।
आमा प्रतिको दायित्व निभाऔँ, जुटेर एकै साथ ।।
झरेको हुन्छ विजाणु जहाँ, फुट्दछ अंकुराई ।
फुलाऔं, फलाऔं गोडमेल गरी, मलजल लगाई ।।
मन वहालाउने रमणिय छ, सुन्दर प्रकृति ।
नभुलौं हामीले नेपालीपन, धर्म र संस्कृति ।।
विदेशी भूमी कष्टकर यात्रा, पार गर्नु छ यसलाई ।
स्वराष्ट्रप्रति गौरव गरौं, नभूलौ स्वदेशलाई ।।
कविता
नभुलौं स्वदेशलाई

नभुलौं स्वदेशलाई
सम्प्रेषक - कृष्णपक्ष :
साहित्यसंसार डट कम

साहित्यसंसार
साहित्यसंसार डट कम अनलाइन साहित्यिक पत्रिका हो । नेपाली भाषा साहित्यमा भएका विविध गतिविधिहरूको जानकारी तथा साहित्यकारहरूका सिर्जनाहरू क्रमबद्ध रुपमा संकलन गर्ने इन्टरनेट थलोको रुपमा यसलाई लिन सक्नुहुन्छ । लेख, रचना तथा साहित्यिक समाचार पठाउन हाम्रो इमेल ठेगाना - info@sahityasansar.com
थप साहित्यिक गतिविधि