कृति विमोचन / सार्वजनिकीकरण

साहित्य समाचार

गजल

Neel Khadka 

khadka.neel@gmail.com

दुख पाउँछन् चाहिनेभन्दा, जान्नेहरु यहाँ !
सबैलाई आफू जस्तै, ठान्नेहरु यहाँ !!

सधैं पर्छन् पेलिनेमा, सोझा सिधामात्रै !
अह्राउनेका सबै कुरा, मान्नेहरु यहाँ !!

हुनैपर्छ सोच्न बाध्य, परिश्रमी पनि !
अघि सरी गाह्रो काम, छान्नेहरु यहाँ !!

हिँडनुपर्छ रुँदै रुँदै, उपकारी बन्दा !
फसेकालाई हात समाइ, तान्नेहरु यहाँ !!

पछुताउँछन् धोखा पाइ, रुन्छन् एकान्तमा !
चरित्रवान बन्न मनलाई, बान्नेहरु यहाँ !!

कहलिन्छन् महान् उनै, हुन्छ जयजय !
छाडिएको साँढे जस्तै, हान्नेहरु यहाँ !!