तिमी छौं कहाँ
गोबिन्दसिंह रावत, टोरोन्टो
छाया बनेर म संगसंगै
हिड्ने बाँचाहरु
बाध्यताको उज्यालोले
मेटाई दिएपछि
निकटता र समिपता खोज्दै
मनमा आश्रय माँगेर
अन्तकतै डेरा सरिजाने
विवशता उब्जिएपछि
तिमी हरायौं
सोध्नै नपाईकन
तिमी हरायौं
सोच्नै नपाईकन
तिमी हरायौं
मनभित्र कुदिएका तिम्रा तस्विरहरु
बामियानको बुद्ध झै नामेट पार्दैगयो
समयका तालिबानहरुले
आकारमा मात्र सीमित बनाएर
तिमी कहाँ छौं अनभिज्ञ छु म
मात्र आभास गरेर
तिम्रो सुवास पाउने गछु
त्यही आभास र सुवासको
समानान्तरमा
तिमीलाई सधै खोज्ने गर्छु
तिमी हरायौं
मानिसहरुको वस्तीबाट
तर हराएनौं
मेरो मनमस्तिष्कबाट
त्यसैले खोजी जारी छ
मात्र एकपटक भनिदेउ न
तिमी कहाँ छौं ?
कविता
तिमी छौं कहाँ
तिमी छौं कहाँ
सम्प्रेषक - कृष्णपक्ष :
साहित्यसंसार डट कम
साहित्यसंसार
साहित्यसंसार डट कम अनलाइन साहित्यिक पत्रिका हो । नेपाली भाषा साहित्यमा भएका विविध गतिविधिहरूको जानकारी तथा साहित्यकारहरूका सिर्जनाहरू क्रमबद्ध रुपमा संकलन गर्ने इन्टरनेट थलोको रुपमा यसलाई लिन सक्नुहुन्छ । लेख, रचना तथा साहित्यिक समाचार पठाउन हाम्रो इमेल ठेगाना - info@sahityasansar.com