कृति विमोचन / सार्वजनिकीकरण

साहित्य समाचार

गज़लःअनायासै तिम्रॊ मायाले

गज़लः

अनायासै तिम्रॊ मायाले,फेरि छल्यॊ आज ।।
उपहार पाएँ घृणाकॊ,मन जल्यॊ आज ।।

अजम्बरी माया दिएथेँ,मुटु भरि जे थ्यॊ
अझै मन जीत्न नसक्दा,ज्यान गल्यॊ आज ।।

खै कसरी बाँच्नु अब त,तिम्रॊ घात खेपी
बिश्वासकॊ घर भत्कीने,हुरी चल्यॊ आज ।।

परस्पर माया प्रेमकॊ,फुल रॊपेँ पनि
हामी हिड्ने प्रेम पथमा,काँडा फल्यॊ आज ।।

संका पाएँ स्वार्थी मायाकॊ,चक्रब्यूमा फसेँ
हरपल तिम्रै घृणाले,प्रेम ढल्यॊ आज ।।


श्याम रॊक्का