कृति विमोचन / सार्वजनिकीकरण

साहित्य समाचार

मैथिली भाषाका साहित्यकार पाथेयलाई मरणोपरान्त पुरस्कार


मैथिली भाषाका साहित्यकार भुवनेश्वर पाथेयलाई मरणोपरान्त पुरस्कार प्रदान गरिएको छ । सर्लाहीको सिसौटिया गाउँमा रहेको पार्वती स्मृति प्रतिष्ठानले उहाँलाई पार्वतीस्मृति पुरस्कार प्रदान गरेको हो ।

पुरस्कारका साथ पाँच हजार, प्रशंसापत्र एवम् दोसल्ला उहाँकी धर्मपत्नी कौशिल्यादेवीलाई प्रदान गरिएको छ । साहित्यकार पाथेयको ४६ वर्षको अल्पायुमै २०४८ असोज १८ गते क्यान्सरले निधन भएको थियो । उहाँले ‘पघलैत बरफ’ (पग्लिरहेको बरफ) कवितासङ्ग्रह, ‘हमरा नही टोकू’ (मलाई नबोलाऊ) उपन्यास, डोबै डोबको संसार आदि पुस्तक प्रकाशित छन् भने दर्जनौं पाण्डुलिपि थन्किएर रहेका छन् ।

कार्यक्रममा अन्तर्राष्ट्रिय मैथिली परिषद्का उपाध्यक्ष राजेश्वर नेपालीले भाषा, कला संस्कृति साहित्यको रक्षा साहित्यकारको लेखनीबाट हुँदै आएको कुरा विश्वव्यापी सत्य प्रमाणित भइसकेको बताउनुभयो ।