कृति विमोचन / सार्वजनिकीकरण

साहित्य समाचार

गजल - ईश्वर ढकाल

गजल - ईश्वर ढकाल

ईश्वर ढकाल 
निर्धा–निमुखाको नारा बनेर आउँला
पर्ख सौरपानीको तारा बनेर आउँला ।।

शहरतिर तिम्रो जस्तो महल छैन मेरो
झर्दा सौरपानी सर्वहारा बनेर आउँला ।।

दुःखमाथि दुःखीलाई डस्ने तिम्रो बानी
म फिर्दा दुःखको साहारा बनेर आउँला ।।

भोक चार्को भण्डारी र ठोटनेरीतीर
पर्ख म भोकाको चाहारा बनेर आउँला ।।

दुख्यो मातृभूमि सोच्ने यहाँ कोही छ ?
सौरपानी म सुखको बहारा बनेर आउँला ।।